بعد تصدره التريند… مصطفى كامل يفتح النيران على هؤلاء الأشخاص

حرص الفنان مصطفى كامل نقيب الموسيقيين  على توجيه رسالة للمرشحين على مقعد النقيب، خاصة بعد ترشحه للمرة الثالثة داخل مقر النقابة.

وشارك جمهوره منشورًا من خلال حسابه الرسمي بموقع التواصل الاجتماعي “فيسبوك”، وأرفقه بتعليق قائلًا:”لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض. 

وأضاف: “لن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة”.

وتابع: “عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا، وأحلامي الفترة الجاية هتكون أعلى على المستوى الإداري والخدمات والموظفين والواجهات المرشحة”. 

وأكد: “بحق كتاب الله ما ليا قائمة، ومش هوصي حد على حد وكله بمجهوده وعلاقته، ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله”. 

وواصل: “مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك”. 

واختتم: “لو شفت عار تقدم لرئيس مجلس الإدارة، ولما ما يجيش حقك اعمل اللي أنت عاوزه، لكن ليه تكون قاعد فاضي وتكتب نقابة العار، ولاحقا لو ربنا ولأن الأمر ده مش هيكون مقبول، وبقرارات مجلس الدولة هناخد قرارات ونرفع قضايا في المحاكم لأنها جريمة والدولة تجرم السب والقذف إلكترونيا”.